കൊലപാതകരാഷ്ട്രീയം

നിസ്സാര വീട്ടുജോലികൾക്കുപോലും ആളെ കിട്ടാത്ത പ്രബുദ്ധ കേരളത്തിൽ ഈ 21ആം നൂറ്റാണ്ടിലും ആളെക്കൊല്ലാൻ ഇഷ്ടം പോലെ ആളെ കിട്ടുന്നു എന്നത് ഭീദിതമായ അവസ്ഥയാണ്.

കേരളത്തിലെ ജനങ്ങൾ താരതമ്യേന രാഷ്ട്രീയ പ്രബുദ്ധരാണ്. പല പല രാഷ്ട്രീയ പൊള്ളത്തരങ്ങളെക്കുറിച്ചും അവർ ബോധവാന്മാരാണ്. പോരാത്തതിന് നമ്മുടെ മാദ്ധ്യമങ്ങൾ വിഴുപ്പുകളെല്ലാം ദിവസേന പരസ്യമായി അലക്കുന്നുമുണ്ട്. എല്ലാവരും കൊലപാതകരാഷ്ട്രീയത്തെ ശക്തമായി അപലപിക്കുന്നവരാണ്. എന്നിട്ടും ഇതെങ്ങനെ സംഭവിക്കുന്നു എന്നതാണത്ഭുതം.

ആളെ കൊല്ലലല്ല, രക്ഷിക്കലാവണം രാഷ്ട്രീയം.